SANTUTEGI BAT ETA HIRU GURUTZE
Aura magiko batek gainezka egiten du Urkiola
URKIOLAKO SANTUTEGIA
Pagadi, lizar eta urkien basoz inguratuta, Urkiolako Santutegia bere izena ematen dion mendilerroaren aurrean nabarmentzen da. Ia Euskadiko erdigunean dago eta, bitxia bada ere, bere teilatuak euri-urak banatzen ditu; alde batetik erortzen badira Kantauri itsasora doaz, bestetik erortzen badira Mediterraneora.
Santutegiko lorategian "meteorito bat" aurkituko duzu eta haren inguruan 7 buelta eman beharko dituzu maitasuna aurkitu edo mantendu nahi baduzu. Horrela egiten da duela ia mende batetik hona, eta harria meteoritoa delako usteak bizi-bizirik dirau oraindik…
Gainera, Bizkaiko bizitza sinbolizatzen duten 3 elementu aurkituko dituzu: aingurak marinelen bizitza irudikatzen du; laiak nekazaritzako bizitza eta burdinolako turbina batek, bizitza industriala.
Ekainaren 13aren inguruan Euskadin bazaude, ezin duzu galdu San Antonio patroiaren omenez antolatzen den nekazaritza, artisautza eta abeltzaintza azoka.
HIRU GURUTZEAK
Santutegiaren ondoan begiratokira eramango zaituen bidea hasten da, edo hobeto esanda, “Via Crucis”a. Pagadi polit bat zeharkatu eta Santo Kristo ermita atzean uzten duen bide laburra da.
Berehala, Atxarteko haitzartearen eta Durangalde osoaren panoramika ikusgarria zabaltzen da zure aurrean. Urkiola Parke Naturaleko begiratokira iritsi zara!
Gozatu paisaiaz eta aprobetxatu aire freskoa arnasteko; mundua zure oinetan sentitzeko garaia da!
Begiratokiaren aurrean inguruko mendiak identifikatzen lagunduko dizun interpretazio panel bat ikusiko duzu.
Urkiolan zaudela, parke naturaletik ibilbide bat egitera gomendatzen dizugu, adibidez Saibikoa: familian egiteko ibilbide aproposa.
NOLA IRITSI URKIOLARA
Urkiolara iristean, "Santutegia" markatzen duen bidegurutzea aurkituko duzu, parkeko ibilbide guztien abiapuntua da, eta, gainera, parkeko interpretazio-zentroa ere aurkituko duzu.
